อิงคะวิชชาธาตุพม่า

  မယ်တော်ကြီး ဂမုန်းပင်ကို ပြည်လုံးချမ်းသာဂမုန်း၊ ရာဇာကြီးဂမုန်း လို့လဲ ခေါ်ကြပါတယ်။ ရှေးကျမ်းအလိုအရ မဟာရှင်ကြီး၊ ဂမုန်းမဟာရာဇ်လို့လဲ ကျမ်းမှာတင်ထားတာ တွေ့ရပါတယ်။ အရွက်ဖားဖား၊ စိမ်းစိမ်းစိုစို မို့ ကျက်သရေရှိလှတာကြောင့် တချို့ကလဲ ဧည့်ခန်းအတွင်းမှာ အလှစိုက်အပင်အဖြစ်လဲ စိုက်ပျိုးထားတာ တွေ့ရပါတယ်။ မိတ်ဆွေတစ်ဦး၏ ပြောပြချက်အရ ဂမုန်းပင်တွေမှာ အများစုက အစောင့်ရှိတတ်ကြတာမို့ စိုက်ထားတဲ့ ဂမုန်းပင်တွေရဲ့ အစောင့်အရှောက်တွေဟာ တစ်ပင်နဲ့ တစ်ပင် မတည့်တာတွေ ရှိတတ်ကြပါတယ်။ ဒီလို မတည့်တဲ့ ဂမုန်းပင်တွေကို အတူစိုက်မိရင် စိုက်တဲ့အိမ်ကိုပါ ခိုက်တတ်တယ်လို့ ပြောပါတယ်။ ဒါကြောင့် ဂမုန်းပင်တွေကို စိုက်တော့မယ်ဆိုရင် ရမ်းသမ်းမစိုက်ဖို့ တည့်တဲ့ဂမုန်းပင်တွေ ဟုတ်ရဲ့လားဆိုတာပါ စီစစ်သင့်ကြောင်း သိရပါတယ်။ တကယ်လို့ တစ်ပင်နဲ့ တစ်ပင် တည့်တာ၊ မတည့်တာ မသိနိုင်ဘူးဆိုရင် အိမ်မှာ မယ်တော်ကြီး ဂမုန်းပင်ကိုပါ စိုက်ထားလိုက်ပါလို့ ပြောပါတယ်။ မယ်တော်ကြီး ဂမုန်းပင်ကို စိုက်ထားလိုက်ရင် မတည့်တဲ့ဂမုန်းပင်တွေရော၊ ရောစိုက်ခဲ့ရင်တောင်မှ ဘာမှ ထိခိုက်မှု မရှိနိုင်တာ သိရပါတယ်။ မယ်တော်ကြီး ဂမုန်းပင် စိုစိုပြေပြေ၊ လှလှပပ ဖြစ်လာလေလ...